«Ռեալ Մադրիդը», «Մանչեստեր Սիթին» և «Յուվենտուսը» պայքարում են «Ֆիորենտինայի» պերուացի պաշտպան  Խուան Մանուել Վարգասին ձեռք բերելու համար: Այս մասին հաղորդում է իտալական  «La Gazzetta dello Sport»-ը:

Այսպիսով Վարգասի անունը կարող ենք միավորել հետևյալ խաղացողների  անունների հետ, որոնց նկատմամբ «Ռեալի» ղեկավարները անտարբեր չեն`    Պատրիս Էվրա(«Մանչեստեր Յունայթեդ»), Կոլարով («Լացիո»), Կլիշի («Արսենալ»), Անդրե Սանտոս («Ֆեներբախչե»), Ֆիլիպե Լուիս («Դեպորտիվո»), Դավիթ Լուիս («Բենֆիկա»), Էշլի Քոուլ(«Չելսի»)  և այլն:

«Մանուշակների» ղեկավարները Վարգասի համար պահանջում են 25 միլիոն եվրո:

Համաձայն վերոհիշյալ իտալական պարբերականի` «Ռեալը» առաջինն է առաջարկություն արել «Ֆիորենտինային», բայց առայժմ իտալական կողմը լռում է: Ասվում է նաև, որ տակավին վերջերս իտալական «Յուվենտուսը» նույնպես առաջրկություն է արել «Մանուշակներին»:

«La Gazzetta dello Sport»-ը նշում է, որ փետրվարի 6-ին կայացած «Ֆիորենտինայի» և «Յուվենտուսի» միջև հանդիպումից հետո «Յուվեի» ներկայացուցոիչ Բետտեգան հանդիպոել է հենց խաղացողի հետ և քննարկել է հնարավոր մի քանի տարբերակներ: 

Վարգասի նկատմամբ հետաքրքրություն են ցուցաբերում նաև «Ինտերը» և անգլիական «Մանչեստեր Սիթին»: