Չորեքշաբթի, 17.07.2019, 21:31
90ftball.d.am
 
.
Մենյու
Մինի-չատ
Օրվա նկար
Նոր կայք
Որոնում
Գլխավոր » 2010 » Հունիս » 14 » Իտալիա-Պարագվայ. խաղին ընդառաջ
16:07
Իտալիա-Պարագվայ. խաղին ընդառաջ
Ք. Քեյփթաուն, «Գրին Փոյնթ» մարզադաշտ, 14 հունիսի 2010 թ., ժամը 23:30:
Մրցավար` Բենիտո Արմանդո Արչունդիա (Մեքսիկա):

Օպտիմալ կազմեր

Իտալիա- Բուֆոն, Ձամբրոտա, Կաննավարո (Բոնուչչի), Կյելլինի, Կրիշիտո, Պալոմբո (Մարկիզիո), Գատուզո, Դե Ռոսսի, Պեպե (Յակվինտա, Կվալյարելլա), Յակվինտա (Ջիլարդինո), Դի Նատալե (մարտավարությունը` 4-3-3):
Պարագվայ- Վիլյար, Մորել (Կանիսա), Խուլիո Կասերես, Դա Սիլվա, Վերոն (Ալկարես), Վերա, Սանտանա, Ռիվերոս, Բարրետո, Բարրիոս, Սանտա Կրուս (մարտավարությունը` 4-4-2):

Իտալիայի ընտրանին աշխարհի առաջնությունում ֆավորիտ չէ, սակայն կմեկնարկի աշխարհի չեմպիոնի կարգավիճակում: Այդ հանգամանքն իտալացիներին շատ բանով է ստիպում լավ խաղ ցուցադրել և դեմքով չհարվածել գետնին: Չնայած բոլորի համար էլ պարզ է, որ այս անգամ «Սկուադրա Աձուրան» այն չէ, ինչ չորս տարի առաջ էր:

Իտալիայի հավաքականում մեծ թիվ են կազմում այն ֆուտբոլիստները, ովքեր բարձր մակարդակով նույնիսկ Չեմպիոնների լիգայում հանդես չեն եկել: Արդյոք, օրինակ, Դի Դատալեն, ունա՞կ է դառնալ Լիպպիի թիմի առաջատարը, երբ իր ողջ կարիերան անցկացրել է համեստ «Ուդինեզեում»: Իսկ Յակվինտային ու Կվալյարելային լավագույն հարձակվողների շարքին չես դասի անգամ ամենամեծ ցանկության դեպքում: Մրցակիցների հարգանքը կարող է առաջացնել միայն Ջիլարդինոն, բայց նույնիսկ նա ժամանակին չկարողացավ հաստատվել «Միլանում»:

«Կապույտների» թիմի կադրային ճգնաժամը կապված է սերնդափոխության և ֆուտբոլիստների սահմանափակ թվի հետ: Չնայած «Ինտերը» հաղթեց Չեմպիոնների լիգայում, սակայն Մոուրինյոյի թիմն այդ հաջողությանը հասավ միայն օտարեկրացիների շնորհիվ: Մարչելլո Լիպպին երկար էր փնտրում` փորձելով գտնել լավագույն կազմը: Այդ նպատակով նա ընտրական փուլում հավաքական հրավիրեց 37 ֆուտբոլիստների:

Ծերացող ֆուտբոլիստները, ովքեր հաղթեցին 2006 թ. առաջնությունում, դժվար թե կարողանան հիմա բարձր արդյունքներ ապահովել:

Առաջին խաղում աշխարհի գործող չեմպիոնի մրցակիցն է Պարագվայի ընտրանին, որը, կարելի է ասել, աշխարհի առաջնության ամենակազմակերպված և պրագմատիկ թիմերից մեկն է: Այս հավաքականի խաղն ընտրական փուլում յուրահատուկ դիտարժանությամբ աչքի չի ընկել, սակայն «կամրասպիտակներին» հաջողվել է կայուն խաղ ցուցադրել և Մունդիալի ուղեգիր նվաճել:

Պարագվայի ներկայիս թիմը շեշտը դնում է երկար փոխանցումների վրա` օգտագործելով արագ հակագրոհելու ունակությունը, ինչպես նաև հարձակվողների կարողությունը` կառչելու գնդակից: Հազվադեպ բացառություններով գլխավոր մարզիչ Մարտինոն նախապատվությունը տալիս է 4-4-2 մարտավարական սխեմային: Հավանաբար, պարագվայցիները հենց այդպիսի դասավորությամբ դաշտ կմտնեն նաև իտալացիների հետ այսօր երեկոյան կայանալիք խաղում:

Դիտել են: 390 | Հեղինակը: Torres | Ռեյտինգ: 5.0/2
Բոլոր մեկնաբանությունները: 0
Մեկնաբանությունների համար դուք պետք է գրանցվեք
[ Գրանցվել | Մուտք ]
Block title

Матчцентр


Юнайтед 4 - 0 Астон Вилла
(Премьер-Лига)
15 апреля в 19:00

Календарь предстоящих встреч

Մեր Հարցումը
Որտեղ կուզեիք տեսնել Ֆաբրեգասին
Всего ответов: 101

Ժամը

Ստատիստիկա

Այժմ օնլայն են 1
Հյուրեր 1
Գրանցվածներ 0




Ով է մեզ այսօր այցելել

Գասպարյան Արթուր - 90football.do.am 2019