Բարսելոնայի առաջատար ֆուտբոլիստ Խավին անհիմն է գտնում այն քննադատությունները, որոնք ուղղված են իր խաղընկեր Լիոնել Մեսսիի հասցեին այն բանի համար, որ Արգենտինան դուրս մնաց Ամերիկայի գավաթի խաղարկությունից: «Ինչպես և ցանկացած ֆուտբոլիստ, այնպես էլ Մեսսին, կախում ունի իր թիմից: Օրինակ՝ Բարսելոնայում ես կախում ունեմ Մեսսիից, իսկ Մեսսին՝ ինձանից և մյուս խաղընկերներից: Բարեբախտաբար, մեզ մոտ՝ Բարսայում, հավաքվել է հիանալի կոլեկտիվ և ես գտնում եմ, որ այդ առիթով քննադատությունները խիստ չափազանցված են: Ամերիկայի գավաթում նա հիանալի հանդես եկավ, սակայն քառորդ եզրափակիչից դուրս մնալուց հետո, բնականաբար, հեշտ է քննադատել լավագույններին»,- մասնավորապես ասել է Խավին:
|
