"Մանչեսթեր Յունայթեդի” հարձակվողը նոր հնգամյա պայմանագիր է կնքել իր ակումբի հետ: Այսուհետ Ուեյնը մինչ 2015թ. պատկանում է այդ ակումբին:
Ինչպես հայտնում է ակումբի պաշտոնական կայքը, այս համաձայնությունը ձեռք է բերվել ֆուտբոլիստի ներկայացուցչի հետ ունեցած բանակցությունների արդյունքում:
"Ես ասացի Ռունիին, որ ակումբի դռները միշտ բաց են նրա առաջ, և ես ուրախ եմ, որ նա որոշել է մնալ, - ասել է անգլիական ակումբի գլխավոր մարզիչ Ալեքս Ֆերգյուսոնը, - երբեմն գտնվելով ակումբում` դու չես կարող պատկերացնել, թե որքան կարևոր է քեզ համար այդ ակումբը: Կարծում եմ` հիմա Ուեյնը հասկանում է, թե որքան հզոր է "Մանչեսթեր Յունայթեդը”:
"Ուրախ եմ, որ նոր պայմանագիր եմ կնքել "Յունայթեդի” հետ”, - ասել է տաքարյուն հարձակվողը, - վերջին օրերին ես խոսել եմ մարզչիս և ղեկավարության հետ և հասկացել, որ պետք է այստեղ մնամ”:
|