Լոզանի մարզական վճռաբեկ դատարանը մերժել է «Բավարիայի» բողոքարկումը և հաստատել Ֆրանկ Ռիբերիի 3 խաղի որակազրկումը, որը նա ստացել էր ՈՒԵՖԱ-ի կարգապահական կոմիտեի կողմից:
Այսօր Լոզանում անցկացվել են մայիսի 5-ին կարագապահական կոմիտեի ընդունած որոշմանը վերաբերվող վերջնական լսումները: Արդյունքում պարզ է դարձել, որ Ռիբերին չի մասնակցի շաբաթ օրը Մադրիդում կայանալիք ՈՒԵՖԱ-ի Չեմպիոնների լիգայի եզրափակիչ խաղին: Մայիսի սկզբին ՈՒԵՖԱ-ի կարագապահական կոմիտեն ողջունել էր կարգապահական կոմիտեի ապրիլի 28-ին ընդունած որոշումը, ըստ որի` Ռիբերին որակազրկվել էր 3 խաղից: Կոմիտեի նախնական որոշումը կապված էր ՈՒԵՖԱ-ի Չեմպիոնների լիգայի առաջին կիսաեզրափակիչ խաղի (Բավարիա-Լիոն) ժամանակ Ռիբերիի` խաղից հեռացման հետ: Ֆրանսիայի հավաքականի կիսապաշտպանը չի մասնակցել ապրիլի 27-ին կայացած «Լիոնի» հետ պատասխան հանդիպմանը, այսինքն նրան մնացել է բաց թողնել միայն ՈՒԵՖԱ-ի Չեմպիոնների լիգայի «Ինտերի»հետ եզրափակիչ հանդիպումը, որը կկայանա մայիսի 22-ին, ինչպես նաև նոր մրցաշրջանի առաջին եվրագավաթային հանդիպումը: Դատարանի վճռի հիմնավորումները կհրապարակվեն առաջիկա օրերս:
