Իսպանական «Բարսելոնայի» պաշտպան Խերարդ Պիկեն Չեմպիոնների լիգայի քառորդ եզրափակչի Դոնեցկի «Շախտյորի» հետ առաջին խաղից հետո հայտարարել է, որ ուրախ է իր խփած հերթական գոլի ժամանակ: Այս մասին գրում է championat.ru-ն' ըստ sport.es-ի:
Իսպանիայի հավաքականի պաշտպանը «հանքափորների» դարպասը 53-րդ րոպեին գնդակ ուղարկեց, որն էլ նպաստեց կապտանռնագույնների' 5:1 հաշվով հաղթանակին:
«Մեր գլխավոր մարզիչ Պեպ Գվարդիոլան և նրա օգնական Տիտո Վիլանովան շատ են ուրախացել իմ գոլի համար,քանի որ այն մարզումների ժամանակ մշակված տակտիկական մտահղացումների արդյունքն էր: Բայց ոչ մի դեպքում չի կարելի զգոնությունը թուլացնել, հակառակ դեպքում Դոնեցկում մրցակիցը կարող է մեզ պատժել»,-հայտարարել է Պիկեն:
| 
