Ինտերի գլխավոր տնօրեն Էրնեստո Պաոլիլոն վերջ է դրել այն խոսակցություններին, թե այս մրցաշրջանից հետո, Լեոնարդոն կլքի «ներաձյուրիի» գլխավոր մարզչի պաշտոնը: Նա նշել է, որ տարածված խոսակցությունները չեն համապատասխանում իրականությանը, քանի որ իրենք գոհ են Լեոնարդոյի աշխատանքից: «Լեոնարդոյի ապագան Ինտերում է: Նա հիանալի մարզիչ է, աշխատում է շատ լավ և մենք գոհ ենք նրանից: Երկու հանդիպումներում պարտություններ կրելուց հետո, թերթերում կարդում ենք անհավատալի բաներ, որոնք գալիս են դրսից, այլ ոչ թե ակումբի ներսից: Չունենք բացարձակ որևէ խնդիր և հավատացած ենք, որ լավ է աշխատում»: Իր հերթին Ինտերին և Լեոնարդոյին է անդրադարձել թիմի նախկին մարզիչ Ժոզե Մոուրինիոն. «Սարսափելի չի լինի, եթե այս մրցաշրջանում Ինտերը չկարողանա նվաճել որևէ տիտղոս: Մորատտին և իր համագործակիցները շատ խելացի են և Լեոնարդոյի հետ կարող են գնալ շատ հեռու»:
| 
