«Բարսելոնայի» գլխավոր մարզիչը պնդում է, որ «Ալմերիա»-«Բարսելոնա»  հանդիպման մրցավարը` Կառլոս Գոմեսը, նշել է ճշմարտությանն անհամապատասխան փաստեր իր հաշվետվության մեջ:
Կառլոս Կլոս Գոմեսը վերոնշյալ խաղի մասին գրել է իր հաշվետվության մեջ, որ Գվարդիոլային խաղի 27-րդ րոպեին հեռացրել է տեխնիկական գոտին լքելու, մրցավարի օգնականին շատ մոտ գտնվելու, գոռալու և ձեռքերով թափահարելու համար: Այս ամենից զատ մրցավարը նաև պնդում է, որ Պեպը հայտարարել է, թե մրցավարի բոլոր որոշումները սխալ են և վերջինս ոչինչ  չի հասկանում ֆուտբոլից:
«Ես տեսել եմ հանդիպման կրկնողությունը և այնքան էլ հպարտ չեմ իմ պահվածքի համար: Տեսնելով դա ես կարող եմ հասկանալ, թե ինչի համար ինձ հեռացրեցին և ես այլևս չեմ ուզում ինձ այդպիսին տեսնել».-ասել է Գվարդիոլան:
«Բայց երբ մեկը ստում է, դու պարտավոր ես առարկել: Մրցավարները ստել են իրենց հաշվետվության մեջ` վերագրելով ինձ այն բառերը, որոնք չեմ ասել».- ավարտեց կատալոնյան ակումբի գլխավոր մարզիչը: