<<Մանչեստր Յունայթեդը>> պլանավորում է հարձակվող ՈՒեյն Ռունիին դարձնել թիմի ամենաբարձր վարձատրվող ֆուտբոլիստը: Ներկայումս ամենաբարձր վարձատրվողը Ռիո Ֆերդինանդն է, որը տարեկան 5,5 միլիոն ֆունտ ստեռլինգ է ստանում: Անգլիայի հավաքականի 24-ամյա հարձակվող Ռունին շաբաթը 130 հազար ֆունտ ստեռլինգ աշխատավարձ կստանա:
Պորտուգալիայի հավաքականի ավագ Կրիշտիանո Ռոնալդուն կարծում է, որ աշխարհի առաջնությունում ազգային թիմի հաջողությունը միայն իրենից չի կախված:<<Խաղադաշտում մենակ չեմ և ես հրաշագործ չեմ: Մենք պետք է միասնական լինենք:Նույնիսկ մի քանի որակյալ ֆուտբոլիստների հետ դժվար է հաղթել այդ մրցաշարում: Աշխարհի առաջնությունում հաղթելու համար 7 կամ 8 խաղացողներ պետք է գերազանց մարզավիճակում լինեն>>-նշել է Ռոնալդուն:
<<Արսենալը>>, որն իր պաշտպանությունն լրջորեն ամրացնելու ծրագիր ունի, նշանառության տակ է վերցրել <<Ռոմայի>> ֆրանսիացի պաշտպան Ֆիլիպ Մեկսեսին:Լոնդոնցիներն արդեն 10 միլիոն Ֆունտ են առաջարկել: Այս տեղափոխությունը մեծ հավանականություն ունի, քանի որ հռոմեական ակումբը ցանկանում է բեռնաթափել աշխատավարձերի ցուցակը, իսկ Մեկսեսը վաճառքի ամենաառաջին թեկնածուն է դիտարկվում:
