Կատալոնյան «Բարսելոնայի»
ֆրանսիացի հարձակվող Տիերի Անրին խոստովանել է, որ շատ տխրել է Չեմպիոնների
Լիգայի քառորդ եզրափակիչ փուլի վիճակահանությունից հետո։ Հիշեցնենք, որ
այդ վիճակահանության արդյունքում «Բարսելոնան» ստիպված կլինի մրցել Լոնդոնի
«Արսենալի» հետ, որտեղ երկար տարիներ հանդես է եկել Անրին։
«Ես չեմ
ասում, որ չեմ պայքարելու։ Չեմ ցանկանում ձևացնել, որ անտարբեր եմ։ Բայց
ես չեմ ցանկանում խաղալ «Արսենալի» դեմ։ Ինձ համար տարօրինակ կլինի
խաղադաշտ դուրս գալ «Արսենալի» դեմ ուրիշ ակումբի մարզաշապիկով իրենց հարկի
տակ։ Տարբերություն չկա, որ դա ոչ թե «Հայբերին» է, այլ «Էմիրեյթս»
մարզադաշտը. ես 8 տարի եմ անցկացրել «Արսենալում» ու շատ սիրում եմ այդ
ակումբը», - մեջբերում է Անրիի խոսքերը Guradian-ը։
Հիշեցնենք, որ
Տիերի Անրին հանդես է եկել «Արսենալում» մինչև 2007 թվականի ամռանը, որից
հետո տեղափոխվել է «Բարսելոնա»։
«Արսենալի» ու «Բարսելոնայի» միջև
առաջին մրցավեճը տեղի կունենա մարտի 31-ին «Էմիրեյթսում», պատասխանը՝
ապրիլի 6-ին «Կամպ Նոույում»։
|
